Lapenn nou klè kou dlo kannari
Sous yo pete nan bitasyon n
Dlo yo pase lwen nou
Nou se tèt kana nan liv byennere
Nou pa mèt kalamite n
Traka n ekri nan lang vwazen
Figi n tounen batwèl nan bat mizè
Nou gonmen tankou mestiyen
Kè n rete doubout
Ou ta di se pwent tete Choukoun
Nou pwomennen dlo je n nan panyen
Nou gade lavi drèt nan je
Dife nou pa janm tenyen sou potajè n
Sann nou toujou chofe
Swè nan fontenn nou se fòmòl
L ap kwape tout move zè
Abydarlyne Jouth
