EN POEMES

De mo kont kowonaviris

Cheri m anvi griye

Tout prensip baryè

Pou dodomeya nan pòt kè w

Fonn avè w

Devlope antikò

Pou tout viris koupe n koutje

Wout Dèlma temwen

Lanmou lisansye nou

Kouvrefe jwèt marèl 

Timoun 10 zan 

Gout souf ou

Sèl bwason ki fonn swaf mwen

Lento sonnen minui

Tout polisye gen òkèt

Wout kay ou sèl aywey 

M renmen pase

Depi m wè w 

Kè m gagari tout mizik 

Sou son mach pye w

M anvi konfine avè w

Swe kò nou 

Angrè pou vale latibonit 

Kò m pèdi fò m 

Nan deranchman nou

Mackenda Déliasse


Photo de couverture : Dessin de Kervens Prévaris

Related Articles

One Comment

  1. Ou se yon bote
    Tout sak soti nan bouch ou se yon antidòt
    Ou rive derasinen tout vye estrès nan nanm nou
    Ekritiw yo fèn bliye sin pa dwe met men nan bouch
    Ou fè n deposede tèt nou
    Poun panse ak chak pawòl ou
    Botew se alkòl gel poun lave zye nou

Leave a Reply

Your email address will not be published. Required fields are marked *

Check Also
Close
Back to top button