Nan toufe yon laperèz
Nan mi kay
Trip mwen anfle tankou bonbonfle
Lapoula tout nouvèl
Gen gou fèy sèch nan bouch mwen
Mwen tou vaksinen kont kè pòpòz
Lespri m sispann dodomeya
Tout branch cheve m se antèn
Yon move zè ki mare lemonn nan trip
Tèt mwen plen pase bèf plenn
Bonbonfle gen bon do
Pito m te otorite isit
Sou wout vaykevay
Anyen pa ta detounen m.
Jeanne-Elsa Chéry
Image de couverture : Munch, Le cri (1893) / Edvard Munch [Public domain]