Nan kachotri ak lanmou
Mwen jwenn yon wout pou 2
Youn ki mennen nan pla men w
Anvan mwen vin toupi
Chans timoun inosan
De men m
De pye m
Egal kat pwen kadino
Linivè bwase bil mwen
Mwen pèdi nan tras men w
Demen lonbray mwen pa p pou mwen
Lè m damou se konsa m ye
mwen woule desann
Ko m pase monte
Jouk gratsyèl gen gwo kè
Kè m fann debout
Youn pou ou
Youn pou mwen lèzengra
Jeanne – Elsa Chéry